កំពង់ឆ្នាំង៖ រដ្ឋបាលខេត្តកំពង់ឆ្នាំង បានប្រកាសបិទផ្សាយជាសាធារណៈនូវឯកសារវិនិច្ឆ័យដីធ្លី មានលក្ខណៈជាប្រព័ន្ធ សរុបចំនួន ១៥,៥១០ ក្បាលដី ស្ថិតក្នុងភូមិចំនួន១៣ នៃឃុំចំនួន៣ (ឃុំជលសា ឃុំពាមឆ្កោក និងឃុំព្រៃគ្រី) ស្រុកជលគីរី ខេត្តកំពង់ឆ្នាំង។
ពិធីនេះបានប្រព្រឹត្តទៅនាថ្ងៃទី៣១ ខែសីហា ឆ្នាំ២០២៦ ក្រោមអធិបតីភាព ឯកឧត្តម គឹម វាសនា អនុរដ្ឋលេខាធិការ ក្រសួងអភិវឌ្ឍន៍ជនបទ និងជាអនុប្រធានក្រុមការងាររាជរដ្ឋាភិបាលចុះមូលដ្ឋានស្រុកជលគិរី ដោយមានការចូលរួមពីតំណាងមន្ទីររៀបចំដែនដី ខេត្ត អាជ្ញាធរស្រុក-ឃុំ-ភូមិ កងកម្លាំងប្រដាប់អាវុធ និងប្រជាពលរដ្ឋជាច្រើនរូប។
រយៈពេល៖ បិទផ្សាយរយៈពេល ១៥ថ្ងៃ (គិតចាប់ពីថ្ងៃទី៣១ ខែសីហា ឆ្នាំ២០២៦)។
គោលបំណង៖ ដើម្បីឱ្យម្ចាស់ក្បាលដីមកផ្ទៀងផ្ទាត់ទិន្នន័យ (ឈ្មោះ ផ្ទៃក្រឡា និងព្រំប្រទល់ដី) ឱ្យបានត្រឹមត្រូវ។
ការតវ៉ា៖ ករណីមានកំហុសឆ្គង ឬការទាស់សែស ម្ចាស់ដីអាចដាក់ពាក្យប្តឹងតវ៉ា ឬស្នើសុំកែតម្រូវបានក្នុងអំឡុងពេល ១៥ថ្ងៃនេះ មុននឹងឈានទៅចេញប័ណ្ណកម្មសិទ្ធិផ្លូវការ។
